Budget 2024: Center's key decision.. Free medical treatment up to Rs. 10 lakhs.. Announcement in the budget? - Andhrashakthi.in

Mobile Menu

Top Ads

More News

logoblog

Budget 2024: Center's key decision.. Free medical treatment up to Rs. 10 lakhs.. Announcement in the budget?

1/18/2024

Budget 2024: Center's key decision.. Free medical treatment up to Rs. 10 lakhs.. Announcement in the budget?

Budget 2024: కేంద్రం కీలక నిర్ణయం.. ఫ్రీగా రూ.10లక్షల వరకు వైద్యం.. బడ్జెట్‌లో ప్రకటన?

Budget 2024: Center's key decision.. Free medical treatment up to Rs. 10 lakhs.. Announcement in the budg

Budget 2024: ఈ ఏడాది సార్వత్రిక ఎన్నికలు ఉన్న క్రమంలో కేంద్ర ప్రభుత్వం కీలక నిర్ణయాలు తీసుకునేందుకు సిద్ధమవుతున్నట్లు తెలుస్తోంది. ఫిబ్రవరి 1వ తేదీన ప్రవేశపెట్టనున్న ఓట్ ఆన్ అకౌంట్ బడ్జెట్ లో భారీగా తాయిలాలు ప్రకటిస్తారని విశ్లేషకులు అంచనా వేస్తున్నారు. అందులో భాగంగానే ఈసారి సామాన్య ప్రజలకు మరింత ఊరట కలిగించేలా ఆయుష్మాన్ భారత్ కవరేజీని రెట్టింపు చేసేందుకు కేంద్రం నిర్ణయించినట్లు తెలుస్తోంది. ఆయుష్మాన్ భారత్ కార్డుపై కార్పొరేట్ ఆసుపత్రుల్లో ఉచితంగా రూ.10 లక్షల వరకు ఉచిత వైద్యం అందించే ప్రతిపాదనను కేంద్ర ప్రభుత్వం పరిశీలిస్తోందని మీడియా కథనాలు వస్తున్నాయి.

ప్రస్తుతం ఆయుష్మాన్ భారత్ కార్డుపై కుటుంబానికి రూ.5 లక్షల వరకు ఆరోగ్య బీమా సదుపాయం కల్పిస్తోంది కేంద్రం. కేన్సర్ చికిత్స, అవయవ మార్పిడి తదితరాలకు మరింత వ్యయం అవుతున్న క్రమంలో 2024- 25 ఆర్థిక ఏడాది నుంచి ఆయుష్మాన్ భారత్ కవరేజీని పెంచాలని భావిస్తున్నట్లు తెలుస్తోంది. ఫిబ్రవరి 1వ తేదీన ప్రవేశపెట్టనున్న మధ్యంతర బడ్జెట్‌లో ఈ అంశంపై కీలక ప్రకటన వెలువడే అవకాశం ఉన్నట్లు ప్రభుత్వ వర్గాలు చెబుతున్నాయి.

మరోవైపు.. ఆయుష్మాన్ భారత్ ప్రధాన మంత్రి జన్ ఆరోగ్య యోజన (AB PMJAY) స్కీమ్ లబ్దిదారుల సంఖ్యను రెట్టింపు చేసి 100 కోట్లకు చేర్చాలనే ప్రణాళికలు రచిస్తోంది కేంద్ర వైద్య, ఆరోగ్య శాఖ. అందుకు కిసాన్ సమ్మాన్ నిధి లబ్ధిదారులు, నిర్మాణ రంగ కార్మికులు, నాన్ కోల్ మైన్ వర్కర్లు, ఆశా వర్కర్లను ఈ పథకం పరిధిలోకి తీసుకురావాలని భావిస్తోంది. వచ్చే 3 ఏళ్లలో ఈ లక్ష్యాన్ని చేరుకోవాలని ప్లాన్ చేస్తున్నట్లు ఆరోగ్య శాఖ అధికారులు తెలిపారు. ఒక్కో కుటుంబానికి ఏడాది రూ.10 లక్షలకు కవరేజీ పెంచడం, 100 కోట్ల మంది లబ్ధిదారుల లక్ష్యాన్ని చేరుకునేందుకు ప్రభుత్వానికి ప్రతి ఏటా అదనంగా మరో రూ.12,076 కోట్లు ఖర్చు అవుతుందని అంచనా వేస్తున్నాయి ప్రభుత్వ వర్గాలు. ఈ పథకం 2018లో అమలు చేశారు. అప్పటి నుంచి ఇప్పటి వరకు చూసుకుంటే 6.2 కోట్ల మంది ప్రజలు ఆయుష్మాన్ భారత్ కార్డును వినియోగించుకున్నారు. దీని కోసం ప్రభుత్వం రూ. 79, 157 కోట్లు ఖర్చు చేసింది. ఆయుష్మాన్ భారత్ లేకుండా ఇదే వైద్యం చేయించుకుని ఉంటే ప్రజలకు రెట్టింపు ఖర్చు వచ్చేదని అధికారులు తెలిపారు.

గతేడాది ప్రవేశపెట్టిన బడ్జెట్ 2023-24లో ఆయుష్మాన్ భారత్ స్కీమ్ కోసం కేంద్రం రూ. 7200 కోట్లు కేటాయించింది. ఈ ఆర్థిక ఏడాది 2024-25 కోసం ప్రవేశపెట్టనున్న బడ్జెట్‌లో దానిని రెండింతలు చేసి రూ. 15000 కోట్లు కేటాయించే అవకాశం ఉన్నట్లు తెలుస్తోంది. అలాగే జనవరి 12, 2024 నాటికి దేశవ్యాప్తంగా 30 కోట్లకుపైగా ఆయుష్మాన్ బారత్ కార్డులను జారీ చేసింది కేంద్రం.