A young YouTuber who earns two crores per post and donates - Andhrashakthi.in

Mobile Menu

Top Ads

More News

logoblog

A young YouTuber who earns two crores per post and donates

2/03/2024

A young YouTuber who earns two crores per post and donates.

ఒక్కో పోస్ట్‌కు రెండు కోట్లు సంపాదించి విరాళంగా ఇచ్చేస్తున్న యంగ్‌ యూట్యూబర్‌.

A young YouTuber who earns two crores per post and donates. ఒక్కో పోస్ట్‌కు రెండు కోట్లు సంపాదించి విరాళంగా ఇచ్చేస్తున్న యంగ్‌ యూట్యూబర్‌.

సంపాదించిన దాంట్లో కొంచెం దానం చేయాలని పెద్దలు చెప్తుంటారు. కానీ కష్టపడిన సంపాదించిన డబ్బును దానం చేయడానికి ఎవరికీ మనసు ఒప్పదు, అంత ధైర్యం కూడా చేయరు. ఒకవేళ చేసినా పది, వంద, మహా అంటే లక్ష ఇంత వరకే ఉంటుంది.. కానీ యూట్యూబర్ మిస్టర్ బీస్ట్ విరాళం అందరి దృష్టిని ఆకర్షిస్తుంది. కొద్ది రోజుల క్రితం ఓ వెయిటర్‌కు లగ్జరీ కారును బహుమతిగా ఇచ్చిన మిస్టర్ బీస్ట్ ఇప్పుడు మళ్లీ వార్తల్లోకెక్కాడు. మిస్టర్ బీస్ట్ పది మంది అపరిచితులకు ఒక్కొక్కరికి ఇరవై లక్షలు ఇచ్చాడు. ఇతనికి ఇంత డబ్బు ఎక్కడి నుంచి వస్తుంది ? అసలు ఎవరీ మిస్టర్‌ బీస్ట్‌..?

మిస్టర్ బీస్ట్ ఎవరు? :

మిస్టర్ బీస్ట్ గురించి చాలా మందికి తెలుసు. మిస్టర్ బీస్ట్ ఒక అమెరికన్ యూట్యూబర్. అతనికి ఇప్పుడు 25 ఏళ్లు మాత్రమే. మిస్టర్ బీస్ట్ చిన్న వయసులోనే కోట్ల రూపాయలు సంపాదిస్తున్నాడు. మిస్టర్ బీస్ట్ యూట్యూబ్ ఛానెల్‌కు 23 కోట్ల 40 లక్షల మంది సబ్‌స్క్రైబర్లు ఉన్నారు. భారతదేశంతో సహా ప్రపంచంలోని చాలా దేశాల ప్రజలు మిస్టర్ బీస్ట్‌ యూట్యూబ్‌ అకౌంట్‌ను ఫాలో అవుతున్నారు. అతని వీడియోలను చిన్నపిల్లల నుంచి వృద్ధుల వరకు అందరూ ఇష్టపడుతున్నారు. మిస్టర్ బీస్ట్ 4 యూట్యూబ్ ఛానెల్‌లను నడుపుతున్నాడు. ఇన్‌స్టాగ్రామ్‌లో ఆయనకు 4 కోట్ల 93 లక్షల మంది ఫాలోవర్లు ఉన్నారు. ఆయన సంపద కోట్లలో ఉంది. ఫోర్బ్స్ నివేదిక ప్రకారం, మిస్టర్ బీస్ట్ ఒక సంవత్సరంలో 54 మిలియన్ US డాలర్లు సంపాదించాడు. X ఖాతాలో అత్యధిక ఫాలోవర్లను కలిగి ఉన్న మిస్టర్ బీస్ట్ కూడా కోట్లు సంపాదిస్తాడు.

అపరిచితులకు డబ్బును విరాళంగా ఇవ్వడం:

మిస్టర్ బీస్ట్ కొన్ని రోజుల క్రితం తన X ఖాతాలో పాత వీడియోను షేర్ చేశాడు. ఆ పోస్ట్‌కు 2.79 కోట్లు వచ్చాయి. ఈ డబ్బును మిస్టర్ బీస్ట్ విరాళంగా ఇచ్చారు. పది మందికి ఒక్కొక్కరికి ఇరవై లక్షలు ఇచ్చారు.

మిస్టర్ బీస్ట్ ఛాలెంజ్ ఏమిటి? :

ప్రపంచంలోని అన్ని ప్రాంతాలలో నాకు అనుచరులు ఉన్నారని నాకు తెలుసు. అయితే చైనాలో నా వీడియోను ఎంత మంది చూస్తున్నారు, వారి అభిప్రాయం ఏమిటో తెలుసుకోవాలని ఉంది. ఈ ప్రయాణం సరదాగా సాగుతుంది. నా వీడియోను లైక్ చేసి షేర్ చేసిన పది మంది ఫాలోవర్లకు గిఫ్ట్ ఇస్తానని మిస్టర్ బీస్ట్ తెలిపారు. 72 గంటల్లో ఒక్కొక్కరికి 25 వేల డాలర్లు ఇస్తామని చెప్పారు. ఈ వీడియో ప్రముఖ చైనీస్ సోషల్ నెట్‌వర్క్ బిలిబిలిలో షేర్ చేయబడింది. దీంతో ఫాలోవర్లు ఆయన వీడియోను షేర్ చేసేందుకు ఆసక్తి చూపారు. లక్షలాది మంది అతని వీడియోను షేర్ చేయడమే కాకుండా వారి స్నేహితులకు కూడా చెప్పారు. వీడియో పోస్ట్ చేసిన 72 గంటల్లోనే మిస్టర్ బీస్ట్ పది మంది ఫాలోవర్లను ఎంపిక చేసి వారికి డబ్బులిచ్చాడు. అయితే అనుచరుల పేరు ఎక్కడా వెల్లడించలేదు.